22-26 жніўня 2022 г. пасля двухгадовага перапынку ў нашай парафіі адбыліся «Канікулы з Богам» для дзяцей. Каля 250 удзельнікаў разам праводзілі час у малітве і гульнях. Кожны дзень пачынаўся ад супольнай малітвы і катэхезы. Галоўнай тэмай была святасць на прыкладзе св. Станіслава Косткі. Апоўдні мы збіраліся на Святой Імшы, пасля чаго адбывалася праца ў групах. Дзецям вельмі падабаліся супольныя гульні, танцы, бутэрброды і булачкі. Дзецьмі апекаваліся каля 40 аніматараў. Усім, хто дамагаў у рэалізацыі гэтай Божай справы, усім ахвярадаўцам ВЯЛІКІ ДЗЯКУЙ.