У гэтым годзе ўпершыню будзе арганізавана прамая відэатрансляцыя з Будслава праз Інтэрнэт. Відэатрансляцыя агранізуецца парталам Каталіцкага Касцёла ў Беларусі Catholic.by і Відэастудыяй Гродзенскай дыяцэзіі пры падтрымцы партала TUT.BY.
Пачатак трансляцыі 01.07.2010 у 18:00
Па тэхнічных прычынах хуткасць відэатрафіка будзе складаць 324Кбіт\сек для кожнага асобнага карыстальніка. Глядзець відэа можна будзе непасрэдна на сайце Catholic.By, а таксама ў знешнім плееры (Windows Media Player, WinAMP, інш.). Абаненты ByFly будуць мець магчымасць глядзець трансляцыю па гасцявым доступе.
Трансляцыя арганізуецца парталам Catholic.By і Відэастудыяй Гродзенскай дыяцэзіі пры падтрымцы партала TUT.BY.
Праграма мерапрыемстваў
1 ліпеня, чацвер
- 13.00–17.00 — сустрэча і прывітанне пілігрымаў кусташам санктуарыя
- 18.00 — святая Імша для пілігрымаў (цэлебруе біскуп Казімір Велікаселец; спеў — пілігрымы)
- 20.30 — Акафіст (хор Грэка-каталіцкай Царквы)
- 21.00 — марыйныя Нешпары (ксяндзы салезіяне)
- 23.00 — святы Ружанец (айцы кармэліты)
- 24.00 — працэсія і святая Імша (цэлебруе арцыбіскуп Тадэвуш Кандрусевіч; спеў — мінская парафія Найсвяцейшай Тройцы (св. Роха) на Залатой Горцы)
2 ліпеня, пятніца
- 02.00 — моладзевая праграма ў палатачным гарадку (гурт «Небасхіл»; Алеся Унукоўская)
- 02.00 — святая Імша паводле грэка-каталіцкага абраду (перад абразом Маці Божай)
- 04.00 — адарацыя Найсвяцейшага Сакрамэнту (у базыліцы)
- 05.30 — Гадзінкі аб Беззаганным Зачацці Найсвяцейшай Панны Марыі на польскай мове (спеў — пілігрымы)
- 06.00 — святая Імша перад абразом Маці Божай (цэлебруюць айцы бернардыне)
- 07.30 — святы Ружанец (ксяндзы марыяне)
- 08.30 — святая Імша на польскай мове ў базыліцы (цэлебруюць арцыбіскуп Варшаўска-Пражскі Хенрык Хосэр і айцы новапрэзбітэры)
- 10.00 — прэзентацыя Кампендыя ККК на беларускай мове (арцыбіскуп Тадэвуш Кандрусевіч) і прадукцыі выдавецтва «Про Хрысто»
- 10.30 — святая Імша (цэлебруюць біскупы Беларусі; спеў — хор мінскай архікатэдры «Gloria»).
- Выстаўленне Найсвяцейшага Сакрамэнту, працэсія.
- Гімн Te Deum laudamus.
- 13.00 — святая Імша на польскай мове (біскуп Антоні Дзям'янка).
Паводле Catholic.By